കോട്ടയം ജില്ലയില് മീനടം ഗ്രാമത്തില് 1968- ല് ജനനം.തോട്ടയ്ക്കാട് സെന്റ്.തോമസ് ഹൈസ്കൂളില് നിന്ന് 1983-ല് പത്താം ക്ലാസ്സ് പാസ്സായ ശേഷം കോട്ടയം ബസ്സേലിയസ്സ് കോളജില് നിന്ന് സെക്കന്ഡ് ഗ്രൂപ്പെടുത്ത് 1985-ല് പ്രീഡിഗ്രി പാസ്സായി. തുടര്ന്ന് ബസ്സേലിയസ് കോളജില് നിന്ന് 1988-ല് ബി.എ മലയാളം ബിരുദം. 1988-1990 ബാച്ചില് എറണാകുളം മഹാരാജാസ് കോളജില് നിന്ന് എ.എ മലയാളം ബിരുദാനന്തരബിരുദം .1991-ല് ചങ്ങനാശ്ശേരി എന്.എസ്.എസ്. കോളജില് നിന്ന് ബി.എഡ്. ഇതിനിടയില് കൊച്ചി ഭാവന്സ് വിദ്യാമന്ദിറില് നിന്ന് ജേര്ണലിസം ഡിപ്ലോമ കോഴ്സ് നേടി.1992-ല് തിരുവല്ല മാര്ത്തോമ്മ റസിഡന്ഷ്യല് സ്കൂളില് അധ്യാപകനായി ഔദ്യോഗികജീവിതം ആരംഭിച്ചു 1992-94-ല് ഊട്ടി, ലവ്ഡേല് പബ്ലിക്ക് സ്കൂളില് അധ്യാപകനായി.1994-ല് പത്തനംതിട്ട കാതോലിക്കേറ്റ് കോളജില് ജൂനിയര് ലക്ചററായി. 1994 നവംബറിൽ യു.സി. കോളേജില് അധ്യാപകനായി ചേർന്നു. 2018-22 കാലയളവിൽ കോളേജ് ബർസാർ ആയി സേവനം അനുഷ്ഠിച്ചു. 2022-ൽ പ്രിൻസിപ്പലായി നിയമിക്കപ്പെട്ടു.